Arubus a introduci ruta nobo pa usuarionan di bus cu ta bishita MFA Paradera

Pa medio di e comunicado aki Arubus kier a informa prensa y pueblo di Aruba completo cu awe 20 di april, 2017, nos lo ta introduciendo un ruta nobo cual lo bay facilita tur nos usuarionan di bus cu ta bishita MFA Paradera pa haci cualkier transaccion.

E ruta aki manera mayoria di nos busnan, lo sali for di nos stacion di Bus na Oranjestad y lo ta bayendo direccion MFA Paradera.

 

E ruta exacto direccion MFA Paradera lo ta: Saliendo for di stacion di Bus na Oranjestad, Weststraat, J.G. Emanstraat, Hendrickstraat, Caya Ernesto Petronia, De la Salle Straat te na rotonde Sero Blanco, Sero Blanco, rotonde Paradera, Paradera y termina na MFA Paradera.

 

E ruta pa regresa Station di Arubus na Oranjestad lo ta: Saliendo MFA Paradera, rotonde Paradera, Sero Blanco, rotonde Sero Blanco, De la Salle Straat, caya Ernesto Petronia, Koningstraat, rotonde Paardenbaaistraat, Paardenbaaistraat, Arubus Station Oranjestad.

 

E schedule cual nos lo ta coriendo ta lo siguiente:

 

 

 

 

 

E bus aki lo ta coriendo di dialuna pa diabierna segun e schedulenan publica aki, cual ta igual na e dianan di operacion di MFA Paradera. Cu e servicio nobo aki, Arubus kier a invita Aruba completo pa probecha e oportunidad aki na momento cu mester bay MFA Paradera pa haci cualkier transaccion, uzando nos bus y evita tur trafico rib’e careteranan.

Nos kier remarca cu e bus aki ta un bus cu servicio di Arubus y manera custumbra caba por paga uzando Smartcard di Arubus Awg 3,- of tambe pagando cash Awg 4.50,-.

Leave a Reply

Top