Asina cu e posibilidad presenta – Prome Minister Mike Eman lo haci un bishita di trabao na St. Maarten

Hunto cu su colega di Corsou

 

Ayera mainta, dunando un briefing di loke e orcan Irma a haci na St. Maarten, dado momento Prome Minister Mike Eman a duna di conoce cu e lo biaha proximamente pa St. Maarten y e otro islanan Saba y St. Eustatius asina cu e situacion ta presta.

Aruba for di principio a duna asistencia y lo sigui duna esaki e dianan benidero. Constantemente tabatin contacto cu Gobierno di Prome Minister Marlin.

 

Prome cu e orcan a pasa Arumil, Cruz Cora a manda hende delanta, p’asina  e orcan pasa, duna yudanza inmediatamente. Pe loke t’e informenan recibi, e orcan Irma tabata desvastador, y sigur a haci daño enorme n’e economia y finanza di e isla aki.

Hopi t’esnan cu a perde nan cas, edificio, loke lo tuma hopi tempo pa drecha. Loke mas ta molestia ta cu e sistema di comunicacion a cay afo, lagando hopi hende cu stress, ora cu nan no por haya contacto cu nan famia.

 

Prome Minister Mike Eman a anuncia cu proximamente lo manda 20 Polis, 19 miembro di Bombero, y 19 persona di keten medico pa bay St. Maarten, mientras cu lo manda hende tambe di DOW pa yuda cu clean-up, y sin lubida e grupo di Cruz Cora cu tambe lo bay, asina cu por manda avion cu por baha na St. Maarten.

Prome Minister Mike Eman a confirma cu Cruz Cora lo organisa Teleton Nacional pa recauda material y fondo pa yuda nos rumannan na St. Maarten.

 

Despues di combersa cu Prome Minister di Corsou, Eugune Raggunaath, hunto cu Mike Eman lo desea di biaha pa St. Maarten, sin pone peso extra riba nan trabao y no mas kier demostra cu e islanan aki banda ta demostra nos solidaridad. Ki dia esaki lo tuma lugar, no ta cla ainda. Pero e lo tuma lugar den coordinacion cu Hulanda, Corsou, Aruba, pero sigur cu Gobierno di St. Maarten mes.

Top