Asistencia pa boto perdi cu persona

Diadomingo marduga strandpolitie a wordo poni na altura, door di Central di Polis, di un caso di un boto cu ta drief bay, aparentemente cu un persona abordo.

Esaki a sosode rond di 3.10 di madruga. Un persona di Kustwacht tabata esun cu a informa Central di Polis di un guardia cu ta traha na e pier cerca di Riu Palace,cu un boto (dinghy) a dreif bay afo. El a bisa CP  cu un tal J, cu ta traha na e empresa aquatic Scuba Caribe, a notifica esaki.

Polis a tuma contacto telefonicamente cu e persona J. di Scuba Caribe y el a bisa cu el a wordo masha hopi pa e informacion wordo manda pa Kustwacht. El a bisa cu ta for di 1.02 di madruga el a mira pa ultimo biaha e homber Leomar Sophis (Venezuela)  kende ta traha como guardia na e pier di Riu Palace. Nan a mire ta drief bay afo riba e dinghy.

Tur informacion a wordo pasa over pa Kustwacht y a pone e official di Kustwacht tambe na altura di loke a pasa. Riba peticion di dje, un patruya di Noord ta wordo manda na Riu Palace pa tuma declaracion di J. E persona aki a declara na e patruya cu e persona cu a mira e boto ta drief bay afo ta un tal K. y CP a dicidi di tuma contacto telefonicamente cu K, y a bisa cu e no ta un guarda pero un hostman na Riu Palace. Berdad, e ta bisa, el a mira e boto ta drief bay afo y un guardia sinta den dje. E momento ey el a dicidi di tuma contacto cu J. di Scuba Caribe, mirando cu e guadia riba e boto ta esun cu ta cuida e botonan di Scuba Caribe. J. despues a bisa cu e mes a bay busca J. riba lama pero no a topa cune.

Pa mas o menos 4.30 di madruga e informa aki a wordo manda pa Kustwacht. A resulta cu e guardia en cuestion no ta cuida e botonan pero riba lama. Rond di 4:25 piket officier di Kustwacht a yama CP pa informa nan cu e lo tuma contacto cu Kustwacht di Corsou pa dicidi si ta saca un helicopter pa un accion di buskeda.

Central di Polis ta manda patruya na un adres y ta papia cu e homber GM. E ta declara cu algo pasa di 1’or di madruga el a wordo yama door di su amigo K, kende ta traha na Riu Hotel. Segun K a cont’e, el a mira un homber ta drief bay afo riba un boto di rubber. Door cu e boto tabata alehando y door cu GM tin experiencia, el a dicidi di yama GM pa ayudo. GM ta bisa cu el a subi su boto y a bay tira bista pa e dinghy. Aparentemente tat rata di un boto gris di e marca Zodiak di e empresa Scuba Caribe.

Riba e mesun dia aki pero pa 6’or di mainta, Central di Polis a informa warda di Polis di Shaba cu e persona desapareci y e boto a wordo haya.

Leave a Reply

Top