ATIA su di 8 Annual Corporate Event tabata un exito

Diabierna ultimo, ATIA tabatin su di 8 Annual Corporate Event den Ballroom di Aruba Marriott Resort & Stellaris Casino. P’e ocasion aki, ATIA tabatin como keynote speaker, Hans Bieshuevel co-fundador di Ondernemend Nederland (ONL).

 

Presente como invitado tabata tambe, Gobernador Alfonso Boekhoudt, y tambe sra. Evelyna Wever Croes. Minister demisionario Richard Arends tambe tabata invita, pero na final a hay’e stroba y a notifica ATIA cu lamentablemente e no por ta presente. E sala mes tabata yen di comerciante, miembronan di ATIA.

 

Ronnie van Trigt, den su calidad di Presidente di ATIA tabatin e discurso di apertura pa despues introduci e orador invita.

Pa loke t’e discurso mes di Hans Bieshuevel, el a enfoka riba e importancia di SME’s pa economia di un pais y sigur pa un economia creciente.

ONL ta un organisacion pa entrepreneurs y SME’s na Hulanda, y a ilustra algun ehempel. T’e mesun caminda aki, ta loke cu ATIA ta encamina y pesey ta representa voz di e comunidad comercial di Aruba.

 

Na final, tabata, Directora di ATIA, Michelle de Groot a hiba e discurso final, pa invita e orador invita y pa Presidente Ronnie van Trigt subi scenario, pa entrega Hans Bieshuevel un recuerdo di e anochi exitoso aki.

Leave a Reply

Top