Atleta elite di BMX – Zaithyel Soekandar lo atende un 4 day high perfomance clinic di Jason Carnes Berm Academy na Tampa, Florida

Como preparacion pa e 2017 UCI BMX World Championships na Rock Hill, South Carolina, e atleta elite den e deporte di BMX, Zaithyel Soekandar lo entrena pa un siman largo bou guia profesional na un di e academianan mas renombra na mundo den BMX, esta Jason Carnes Berm Academy cu tin na base na Tampa, Florida.

Durante 4 dia e atleta Soekandar lo atende e campo di entrenamento aki p’asina prepara su mes mas mihor cu ta posibel p’e campeonato mundial di BMX un siman despues na South Carolina.

 

E atleta lo haya e guia profesional nesecario den e partinan tecnico, tactico y psicologico.

E atleta Zaithyel Soekandar ta un di Aruba su miho atletanan di BMX y apesar di su edad hoben ya caba el a representa Aruba den varios campeonato internacional di taya manera e Campeonato mundial di UCI, e Weganan Centro Americano y Del Caribe como tambe e Weganan Panamericano sin conta tur e otro campeonatonan bishita den nos region y continente.

Su logronan na nivel nacional y internacional sin duda ta impresionante, ya cu Aruba ta conoci den e top mundial di BMX.

 

Un danki sigur na Lotto, e Loteria di Aruba pa medio di Comision di Subsidio a yuda subsidia e biaha di e atleta Zaithyel Soekandar p’e atende e campo di entrenamento na Tampa, Florida

Leave a Reply

Top