Atraco den dia cla A bay cu e.o. 10 mil florin

Awe pa mas o menos 11:43 Central di Polis a haya un yamada cu un atraco tuma lugar na un negoshi na Socotorolaan 5.
Aki tin un compleho di apartamento y den un di nan tin un negoshi cu ta haci encomienda, yama CaroLima. Su propietario ta di origen Peruano.

T’asina cu na yegada di Polis e mucha muher ta splica cu dos hende homber a drenta e negoshi sin tin cara tapa y tur dos cu arma di candela den man.
Nan a papia Spaño y Papiamento, pero tambe a duna e impresion cu nan sa bon-bon di e negoshi aki.

E prome atracador tabatin flanel preto cu jeans y color di cuero bruin. E otro tabatin un flanel cora y jeans plus un petchi bisti y color di cuero bruin scur.
Nan a bay cu mas o menos Afl. 10.000 y 2 celular. Y no por a wak si nan huy na pia of den auto.
Atraco Team a presenta y a cuminsa cu e investigacion, unda e.o. a cuminsa na wak e grabacionnan di camaranan di seguridad cu tin n’e sitio aki. Tambe Departamento di Yudanza pa Victima a presenta n’e sitio. Ken cu por a wak algo yama tiplijn di Polis 11141, pa hunto soluciona e atraco aki, cu a tuma lugar den dia cla.

 

Leave a Reply

Top