Automobilista a pasa dal un peaton, baha pidi’e despensa pa sigui core bay

WILLEMSTAD – Alrededor di 11:45 di diadomingo anochi Polisnan mester a haña notificacoon di un accidente caminda cu un vehiculo mester a dal un persona pa despues core bay laga esaki atras.

Mesora Polisnan a bay n’e sitio y a bin haña e victima sinta abou ta keha di poco dolor. Mesora a pidi pa ambulans yega n’e sitio.

For di investigacion cu Polis a haci n’e sitio ta cu e dama tabata canando y un dado momentu un Tercel color blauw mester a pasa y dal e dama aki.

Aparentemente e chofer di e vehiculo a bisa e dama despensa pa despues e sigui core bay. A duna Polis e plachi number di e vehiculo p’asina e chofer aki para responsabel pa su acto.

Victima a haña asistencia serca paramediconan di ambulans pa despues e bay su dokter di cas.

Top