Awa cayente a cay riba un criatura di 2 aña na De Ruyterstraat

Diamars anochi informacion a drenta cu un criatura di aproximadamente 2 aña lo a sufri kemaduranan serio.
Autoridad a wordo poni na altura y mesora a cuminsa busca informacion di kico exactamente a pasa.

For di Centro Medico, ambulance a sali direccion hospital cu e criatura. Mientrastanto na poli otro unidadnan policial a bay, p’asina evita cualkier problema cu por presenta.
Mirando cu e tata di e criatura ta un persona agresivo y lo ta un persona conoci aparentemnte pa husticia.

Con e awa a cay riba e criatura no ta conoci pa nos, pero segun nos a compronde tabata pa motibo di un descuido.
Loke si ta serio, ta cu e awa a basha of cay riba barica di e criatura causando kemadura probablemente di segundo grado.

BFTO, cu t’e Departamento Tecnico di Polis a bay n’e adres caminda e incidente a tuma lugar.
E criatura a keda interna, nos ta desea e criatura tur cos bon.

Leave a Reply

Top