Awe t’e D-Day pa Minister Paul Croes

Despues cu diasabra ultimo, Minister drs. Paul Croes a subi caya pa bay felicita Minister Mike de Meza pa su cumpleaños, pero tambe pa topa su otro coleganan Minister, por a sinti cu el a haya un acogida masha grandi.

Unabes cu drs. Paul Croes a aparece den publico, a surgi e pregunta: Paul Croes ta prepara su mes pa subi lista proximamente? Siendo cu e no a wordo acusa, ni condena y si t’asina mes, e por tuma mesun posicion di politiconan na Corsou, condena, pero asina mes a subi lista y a keda eligi como Parlamentario.

 

Esaki lo nifica cu e lo asumi su funcion bek como Minister, despues di a tuma algun dia di vakantie?

Di otro banda Ministerio Publico no ta bisando net nada, cu tabata motibo pa aserca OM pa sa con leu e investigacion ta.

E Fiscal cu tin e investigacion a informa vocero di OM, pa informa nos cu awe e lo por duna un up-date di e caso di Minister Paul Croes. Mas e no kier bisa.

 

Pesey nos ta bisa cu awe lo t’e D-Day pa Minister Paul Croes, ya cu depende ki posicion OM tin, no ta exclui e posibilidad cu Minister Paul Croes lo cuminsa un caso den Corte, pasobra no por permiti pa OM keda tortur’e y su famia mentalmente asina.

Top