Ayera madruga tabatin intento di robo na Aruba Bank Camacuri

Den un nota cu gerencia di Aruba Bank Camcuri a emiti ayera mainta, pa bisa cu nan ta habri normalmente, despues cu informacion a core, cu tabatin un intento di robo na dicho banco.

T’asina cu indivuonan no-identifica a forza un bentana di glas na entrada di Aruba Bank su branch na Camacuri.

 

Polis, compania di seguridad y personal seguridad di Aruba Bank a constata cu e personanan aki no a logra hiba nada di balor, ni tampoco ningun pertenencia cu lo por tin informacion confidencial di un cliente.

 

Pesey gerencia di Aruba Bank a informa cu banco a habri manera custumber pa duna su servicio na su clientela, mientras cu e investigacion ta sigui. Te aki un comunicado cu Aruba Bank a emiti.

Top