Ban celebra Dia Nacional na Archivo Nacional Aruba

Archivo Nacional y Fundacion Amigonan di Archivo ta celebra Dia Nacional, 18 di maart, cu un exposicion y actividadnan cultural. E exposicion titula “Aruba, ta nos tur!” lo duna atencion na e. o. na e migrantenan cu bin establece nan mes na Aruba den siglonan pasa te cu awe.

Personal di Archivo a dedica hopi tempo pa realisa e exposicion y ta invita tur hende pa bin haya algun informacion di nos historia y nos hendenan.

 

Pa por sigui realisa diferente proyecto pa y hunto cu Archivo Nacional Aruba, un contribucion pa Fundacion Amigonan di Archivo di un florin pa persona ta altamente aprecia.

Cu e contribucion di un florin, bo tin e oportunidad pa gana un bunita premio cortesia di Setar NV. Banda di esaki tambe lo tin diferente otro doorprize, cortesia di e. o. Super Food Aruba.

 

Tur hende cu “like y share” e pagina di Facebook di Amigonan di Archivo por participa den un rifa pa gana un camera cortesia di Bon Bini Cargo.

 

E exposicion ta habri pa 9’or di mainta dia 18 di maart den sala di exposicion di Archivo Nacional na Sabana Blanco. Parti pafo Fundacion Amigonan di Archivo ta organisa un dia cultural cu musica, baile, bendemento di buki, cuminda crioyo, bocadushi y lo tin un bar pa seca garganta. Tin un total di 16 tent pa bishita, cu un variacion amplio di cuminda, y cos dushi pa un y tur. Tambe pa e muchanan lo tin facepainting.

 

Lo tin presentacion di Grupo Folklore Santa Cruz, Kids to Kids, Gucci Baby, Nos Cultura y Candy Dancers. E parti musical lo ta na encargo di DJ New Born y Rincon Boysz.

 

Pa dia 18 di maart, Dia Nacional, Dia di Himno y Bandera bo ta cordialmenteinvita pa bishita Archivo Nacional for di 9’or di maintate cu 6’or di atardi. Bishita e pagina di Facebook di Amigonan di Archivo, like y share y participa den un rifa.

Top