Ban conoce Aruba su Historia y Monumentonan dia 18 di Maart!

Dia 18 di Maart Aruba henter lo tin e oportunidad di bin experiencia na un prijs special e tour di mas nobo cu ta tuma lugar den centro di Oranjestad esta, e Aruba Walking Tours.

Aruba Walking Tours ta un tour cu a cuminsa for di november 2016 y a sa di bira un atraccion popular di hopi turista.

For di comienso hopi bishitante cu ta bishita Aruba a experiencia e tour aki a laga solamente bon comentario atras riba diferente medionan social.

 

Pa celebra nos dia di Himno y Bandera, Aruba Walking Tours hunto cu Comision Celebracion Dianan Nacional y Departamento di Cultura ta ofrece Aruba henter e oportunidad pa bin experiencia e tour aki na un prijs hopi special.

Durante e tour bishitantenan lo explora Aruba su historia hunto cu un guia local splicando di Aruba su Historia, su Monumento, su Custumbernan y hopi mas.

Lo bishita mas di 20 punto di interes durante dos ora den centro di Oranjestad.

 

E tour lo tuma lugar dia 18 di Maart 2017 cu tres diferente orario, 10am, 2pm y 4:30pm. Cuponan ta limita. Lo sali for di e edificio Cosecha, Zoutmanstraat 1 patras di Renaissance Hotel.

Pa confirma bo presencia n’e tour aki please sigi e link aki https://form.jotform.co/70724951309862 y yena e registracion.

Por email Aruba Walking Tour tambe na info@arubawalkingtours.com Of whatsapp: 592-5069.

Leave a Reply

Top