Banco Central ta adverti tocante Questra Holdings, Questra World y Atlantic Global Asset Management

Banco Central di Aruba (BCA) un biaha mas ta adverti publico en general pa cu actividadnan di e companianan Questra Holdings, Questra World y Atlantic Global Asset Management.

 

Questra Holdings, Questra World y Atlantic Global Asset Management ta ofrece servicionan di inversion na Aruba.

E companianan aki no ta den posecion di un permiso di BCA pa por ofrece e sorto di servicionan menciona, na of for di Aruba.

 

BCA ta conseha e publico enfaticamente pa no responde na cualkier inversion ofreci dor di Questra Holdings, Questra World y Atlantic Global Asset Management, como tambe pa no transferi placa pa cualkier cuenta bancario cu nan por a menciona.

 

BCA ta enfatisa cu no por tin un rendimento halto sin tin un riesgo halto.

Alega lo contrario por ta un indicacion di fraude y consecuentemente lo mester tuma maximo cuatela.

 

Por ultimo, Questra Holdings, Questra World y Atlantic Global Asset Management ya caba tabata suheto na diferente advertencia/aviso publica dor di diferente autoridadnan di supervicion den exterior, manera “Financial Conduct Authority” di Reino Uni, “Autoriteit voor Financiële Diensten en Markten” di Belgica, “Financial Market Authority” di Liechtenstein, “Financial Supervision Authority KNF” di Polonia y “Comision Nacional del Mercado de Valores” di Spaña.

Leave a Reply

Top