Banco Central ta emiti moneda conmemorativo en conexion cu e di 60 aniversario di Rode Kruis Aruba

Banco Central di Aruba (BCA) ta informa cu pa e aña aki lo emiti e tercer moneda edicion special di 5 florin 2017, conmemorando e 60 aniversario di Rode Kruis Aruba.

E moneda special aki lo tin e logo di Rode Kruis Aruba graba riba dje cu e texto “60 jaar Rode Kruis Aruba”, ambos den color cora.

 

Na aña 2013 BCA a emiti e prome moneda edicion special di 5 florin 2013, relaciona cu e anuncio di abdicacion di su Mahestad Reina Beatrix, y na aña 2014 e di dos moneda edicion special di 5 florin 2014 relaciona cu e prome aña di reinado di su Mahestad Rey Willem-Alexander.

 

E moneda edicion special di 5 florin 2017 ta obtenibel desde awe na BCA y na tur banco comercial pa un prijs di Afl. 5,00.

E moneda aki lo co-circula cu e 5 florin regular.

 

Specificacion:

Metal:                   Aluminium Brons

Diameter:             23,5 mm

Peso:                     8,4 gram

Calidad:               Circulacion

Denominacion:     5 florin

Prijs:                     Afl. 5,00

Prijs den estuche: Afl. 22,00

 

E moneda edicion special di 5 florin 2017 ta obtenibel den un estuche special pa un prijs di Afl. 22,00.

Pa informacion por tuma contacto cu Departamento Kas en Kluis di CBA na telefon 525-2139.

 

Pa compra: Caha di CBA na J.E. Irausquin Boulevard 8, mainta entre 8:30 y 11:45 y merdia entre 1:15 y 3:30 y na tur banco comercial.

Leave a Reply

Top