Banco Central ta spierta: Consumidornan mester ta conciente di riesgonan di monedanan virtual of digital

E desaroyonan rond di monedanan virtual (manera bitcoin, litecoin, etc.) ta bayendo rapido y ta creciendo den popularidad.

Actualmente e monedanan aki no ta cay bou alcance di e leynan sectoral di supervision di Aruba. Consecuentemente, Banco Central di Aruba (BCA) no ta supervisa monedanan virtual ni companianan/instancianan cu ta haci negoshi den monedanan virtual.

 

BCA ta conseha consumidornan pa ta consciente di esaki, y tambe cu nan mester ta consciente di e riesgonan potencial di cumpra bitcoins of otro monedanan virtual of digital.

E tasanan di cambio di e tipo di monedanan aki, p.e. contra e dolar Mericano, por ta extremadamente volatil, y no tin un institucion central cu ta emiti e tipo di monedanan aki cual consumidornan por tene responsabel si tin e necesidad pa haci esaki.

 

 

 

Top