Barco nobo di Marina ta yega Oranjestad

E barco di defensa nobo di Marina den region Caribense ta yega Oranjestad diaranson proximo. E barco aki lo fungi pa e proximo cuater luna como base den region Caribe.

 

E fregat multifuncional Zr. Mr. Van Amstel di Marina Real te drenta Paardenbaai 8’or y mey di mainta y lo wordo ricibi cu tironan desde canto, dilanti e pier di Westdeck.

E Militia Arubano ta haci e acto di ceremonia dilanti esnan presente, riba tera dilanti e pier di Westdeck. Despues cu Zr. Ms. Van Amstel drenta, esaki ta bay mara na waf, Aruba Ports Authority.

 

E barco ta remplasa Zr. Ms. Holland, cu durante e ultimo lunanan tabata activo den nos region. Holland a yuda e. o. durante temporada di horcan Matthew na Haiti.

Durante diferente captura e barco a brinda asistencia pa combati droga (anti-drugsoperaties).

 

E barco tin mas tareanan

Durante e proximo cuater luna Van Amstel lo opera den region Caribe. Apesar di presencia maritimo y brinda asistencia den necesidad, e tarea primordial di e fregat ta pa combati droga (counterdrugdoperaties).

 

E momento ey e barco ta brinda asitencia pa Marina Real, Guardacosta den region Caribense, y tambe e organisacion Mericano “counterdrugsorganisatie international” ‘Joint Interagency Task Force South’. Na caminda pa Corsou y Aruba e barco a haci diferente ehercicio e. o. operacion nan cu su helicopter maritimo, NH-90.

 

No ta pornada e fregat aki ta wordo yama multifuncional. Apesar di su tareanan den region Caribe, tambe e por combati operacionnan ilegal bou di awa. Banda di esey un M-fregat por wordo uza pa combati ilegalidad aereo.

Aña pasa Zr. Ms. Van Amstel a brinda asistencia riba lama den region di Grecia pa descubri traficacion di hende.

Top