Bart Kool a sorprende tur hende cu su retiro

Ta pa varios luna caba, tin un friccion formal entre Presidente di SMOA, Bart Kool y Minister di Enseñanza, Michelle Hooyboer-Winklaar.

Pero hamas e por a pensa, cu e mandatario lo a bin cu un atake asina baho, enbes di busca solucion p’e cantidad di problema cu tin na Colegio Arubano.

 

Despues di tuma nota di declaracion haci pa Minister Michelle Hooyboer-Winklaar, no a ked’e otro di entrega su retiro di inmediato como Presidente di SMOA.

Manera menciona, ta conoci cu pa basta tempo SMOA tin problema cu Minister Hooyboer-Winklaar pa loke ta maneho di Colegio Arubano.

 

Y loke a pone awa pasa hariña, te nombramento di un Rector pa Colegio Arubano, cu no a cay na agrado di e mandatario. Awor e situacion a bira peor, ora cu e Con-Rector no kier prolonga contrato di 18 docente, y esaki sigur lo afecta resultado di e studiantenan.

 

Bart Kool a informa dia di su retiro, Obispado di su decision y mesun dia a informa miembrecia di Conseho di Supervision di SMOA.

E relacion di Bert Kool y e Comision di Mayornan (OCCA) di Colegio Arubano tampoco tabata bon.

Tambe e suplente rector Anna Cameron di Colegio Arubano ta hungando cu candela, despues di a haya sa cu 18 docente riba arbeidscontractant no a wordo renoba.

Minister Hooyboer-Winklaar a haya cu esaki ta inhusto y iresponsibele, pasobra e decision aki no por wordo tuma pa solamente pa un rector suplente.

Top