Base di tur empresa ta un bon servicio, Esaki ta filosofia di Thrifty Car Rental Aruba

 

Recientemente a tuma lugar entrega di certificado na 1 grupo di 11 empleado di Thrifty Car Rental di cual tur ta traha den front line.

E curso a wordo presenta den 2 grupo y a wordo organisa dor di Thrifty Car Rental conhuntamente cu B&P Interface Aruba Training and Consultancy.

B&P Interface Training ta un compania cu ya caba pa 28 aña ta presentando curso riba e mercado na Aruba, Corsou y Bonaire.

 

E exito di e producto di servicio ta crece of cay cu e calidad di servicio cu bo empleadonan ta duna. Maneha empleado ta un cuestion di maneho, e frase aki bo por tende ultimamente hopi, como expresion di management.

Nan ta mustra riba un vision, cu e recurso humano den un organisacion ta hopi importante.  Automaticamente nos por pensa riba curso pa empleado nan.

 

Nos por haya nos cu e pregunta: “Kico un empresa mester inverti den calidad di su personal y kico e ta gana cu esaki“?  Kico por gana ta: Un bon servicio cu e empresa aki ta duna.

Pues e cara di e empresa. Dunando bon servicio ta trece hopi bentaha pa ambos tanto e compania como p’e empleadonan.

 

Gerente di Thrifty Car Rental, sr. Rudy Perrotte ta consiente y convenci cu training y curso pa nan empleado ta di suma importancia den e epoca cu nos ta bibando aden.

“Upgrading” di un empleado ta un inversion den e mehoracion continuo di bo servicio na clientenan.

E empleadonan cu a participa n’e curso “Service Attitude and Handling Complaints” a ricbi nan certificado for di man di sr. Rudy Perrotte, Director di Thirfty Car Rental.

E cursistanan ta: Eddie Koolman, Joyce Silvania, Barbara Huntington, Tatiana Tromp, Sylvianne Henricus, Denisse Perrotte, Otmar v/d Linden, Jeannie Maduro, Willem Slikker, Lisette Koolman y Rachelle Kock.

Thrifty Car Rental hunto cu B&P Interface Training un biaha mas ta extende un caluroso pabien na tur participante y ta desea nan  tur clase di exsito den nan trabao diario.

Leave a Reply

Top