Beach Tennis Aruba ta invita: Autumn League 2017 ta cuminsa 14 augustus 2017

E siguiente liga di e deporte di Beach Tennis ta cla pa cuminsa. Dia 14 benidero, tur nos atletanan cu a haña un par di siman di descanso, lo ta bek riba e cancha nan di Beach Tennis na Tropicana.

No unicamente e liga ta cuminsa, pero mayoria di e hungadornan ta tuma e temporada nos dilanti pa cuminsa cu training intensive p’asina aki por participa den e torneo internacional cu ta tuma lugar na november 2017

 

Si bo ta desea di participa den e liga ainda, bo tin chens pa inscribe te cu dia 11 augustus benidero. P’esnan cu no conoce e deporte aki ainda, e por wordo hunga na diferente nivel; fun, intermediate, advanced y tambe pro.

Tin categoria di hende muher, hende homber, mix y tambe single, caminda bo mes tin cu defende bo mes riba e cancha, sin por depende di un partner p’asina aki gana bo wega

 

Tur wega di singles ta tuma lugar riba dialuna, doubles hende muher diamars, mix doubles diaranson y ta sera e siman cu diahuebs caminda e hende homber nan ta bati otro cu bala p’asina despues di practicamente 3 luna, yega na kende t’e ganador di cada liga

 

Nos tin Beach Tennis Aruba ta invita e Aruba pa pasa serca conoce cu e deporte. Nos ta situa na Tropicana Beach Tennis Club y ta habri desde 1or di atardi. Tambe por subi riba nos website www.beachtennisaruba.com pa mas informacion.

 

Leave a Reply

Top