Bendicionamento di lamchi

Parokia La Birgen di Fatima na Dakota ya pa algun aña caba a introduci e custumber di “bendicionamento di lamchi” p’e fiesta di Pasco di Resureccion. E motibo ta pa nos muchanan, nos mes, nos famia y bisiñanan por siña celebra na un mihor manera e fiesta di Resureccion di nos Señor Hesus, cu ta nos Salbador y cu ta E Lamchi bendiciona.

Famianan celebra Pasco di Resureccion
Lanta como Catolico, Pasco di Resureccion ta na mes tempo e temporada di mas pio y e temporada di mas mihor. Ta spera di nos cu nos ta yuna pa Cuaresma. Esaki nifica bay misa hopi biaha, no come mangel, ni come carni riba Diaranson di Shinishi y riba diabiernanan.
E recompensa pa 40 dia di “nenga bo mes” ta un fiesta grandi despues di Misa di Pasco di Resureccion, cu ta cuminsa prepara desde Diahuebs Santo.

E lamchi di Pasco ta un bolo traha den un forma di lamchi cu ta compaña e cuminda di Pasco. E ta un dessert tradicional Polaco. Un bandera blanco cu un cruz cora na un toothpick ta wordo poni riba su lomba patras pa representa e lamchi di Pasco.
Riba diahuebs, 13 april, despues di Misa di Ultimo Cena tin e oportunidad pa cumpra bolo den forma di lamchi na balor di 10 florin.

Bendicionamento di Lamchi
Cada miembro di famia mester haya un hap di e cuminda bendiciona despues di celebracion di Santo Sacrificio di Misa riba Diadomingo di Pasco di Resureccion.
Riba Diasabra di Aleluya mainta ta hibe misa pa wordo bendiciona, cu e advertencia pa no come un garnachi, pasobra nos ta yunando. Nos mester tur nos forsa di boluntad pa no purba.

Bendicionamento di lamchi ta tuma lugar durante oracion di Liturgia di Ora, esta Lauden, riba Diasabra di Aleluya, 15 april 8or mainta.
Despues ta hiba lamchi bendiciona cas y ta lag’e gorda su curpa pa su mañan.

Bolo di lamchi toetje (postre) di comemento di Pasco
Ta celebra cu e lamchi bendiciona riba Diadomingo Pasco di Resureccion, 16 april, sea durante desayuno, sea merdia of atardi, depende con famia ta reuni. Ta pone e lamchi mey-mey riba mesa, den macutu of scalchi y dorn’e por ehempel cu un poco yerba berde, webo herbi of di mangel/chuculati.
Despues di comemento como pasaboca nos ta parti e lamchi asina pa cada hende haya un pida.

Lamchi dorna poni mey-mey riba mesa por provoca hende pa puntra: “Hey, pakico e lamchi? Di unda e lamchi?” E ora tin chens pa splica e historia di nos salbacion, tin chens pa evangelisa durante e cuminda principal di famia.

Historia/Motibo
Den e mundo tin diferente signo. Signonan cu mundo Cristian ta uza y signonan cu mundo pagano tambe ta uza. Y nos ta riparando con e mundo pagano kier guli fiestanan Cristian cu su materialismo, cu su feroz propaganda na su estilo.
Asina p.e. fiesta di Pasco Grandi poco poco ta cuminsa bira un fiesta di conenchi, ta keda relaciona cu fiesta di conenchi.
Conenchi awendia ta un simbolo di playboy, un simbolo di sexo. Y realmente esaki tambe ta simbolo antiguo di conenchi.

Di e forma aki un fiesta Cristian di sacrificio, di entrega di Dios, pues ta keda reduci na un simbolo bastante straño pa locual ta bida Cristian, un simbolo totalmente pagano.
P’esey nos kier remarca nos propio simbolonan, nos propio signonan di mundo Cristian, di bida Cristian. Y e lamchi ta e expresion di henter misterio di Pasco.
Por tuma contacto cu Sharona Sapuana na cel. 593-3071, señora Liliane Wouters na cel. 560- 4244, señora Samantha Croes na cel. 593-5234, sr. Michael Croes na cel. 593-9283.

Top