Bishita di Bombero Hulandes na Cuerpo di Bombero Caribe Hulandes

KRALENDIJK – Fin di april Presidente y Presidente suplente di Brandweer Nederland tabata di bishita na Bomberonan na Bonaire (BKCN).

E bishita aki ta pas den e strategia Brandweer Nederland pa den e periodo benidero orientá mas riba exterior. E palabracionnan p’e bishita aki a keda hací durante e último congreso di bombero na Twente (Hulanda) entre Presidente di Bombero Nederland, sr. Stephan Wevers y e Comandante General di BKCN, sr. Jair Tromp.

 

Durante e programa di bishita drùk cu a dura vários dia, a trata un cantidad substancial di tópico den vários sesion cu ta di importancia pa ámbos partido.

Asina BKCN a haña un splicacion extenso riba desaroyonan riba tereno di bombero n’e parti Europeo di Hulanda y BKCN por a duna un bon bista di e cuerpo y su retonan.

 

Den cuadro di e bishita aki a haci palabracion concreto riba vários tereno bou di cua suministracion di informacion na BKCN, posibel sosten di personal temporal for di Hulanda y tambe entrenamento y formacion, particularmente pa oficialnan di bombero.

E Comandante General di BKCN a bisa: “BKCN ta honrá cu e bishita aki di sres. Wevers y Kransen y nos tin tur confianza cu e cooperacion estrecho aki lo resultá den oportunidadnan pa ámbos partido”.

 

Riba e foto adhunto por mira d.r.p.d: Chiel Crul, Stephan Wevers, Jair Tromp y Diemer Kransen

Top