Bo por bira e promer ganado di e premio “Best in Business Award 2017” di Guardian Group Fatum!

Debi n’e desaroyonan na Aruba, e empresanan ta obliga pa haci cambio constantemente. Esaki ta bin cu su retonan.
E premio “Best in Business” di Guardian Group Fatum ta duna reconocimento n’e empresanan cu por anticipa e retonan aki dor di pone atencion central riba e siguiente pilarnan: E pasion pa excelencia, e motivacion pa inova y e dedicacion cu ta hasi un empresa exitoso.

E aña aki lo entrega pa prome biaha e premio di Guardian Group Fatum “Best in Business Award” na Aruba.
E mihor empresa di Aruba lo gana un pakete di premio atractivo di, entre otro, 10.000 florin cash, pero mas importante ainda: Reconocimento di parti di su clientenan y un cantidad di publicidad gratis.

PAKICO E PREMIO “BEST IN BUSINESS” DI GUARDIAN GROUP FATUM?
Como empresario bo t’e contribui na economia, bo ta percura pa cupo di trabou y bo ta yuda traha riba futuro di e Aruba.
Guardian Group Fatum ta stimula e empresarionan di empresa chikito y mediano di e isla cu e organisacion di e premio pa “Best in Business”2017.
Pa guia e proceso di selecciona e finalistanan pa cu e premiacion, D&I Business Support Services lo evalua e participantenan segun nan nivel di “Business Excellence” (Excelencia Empresarial) mediante e modelo di EFQM (European Foundation for Quality Management)

Cu e evaluacion aki, bo por mira claramente con bo organisacion ta para actualmente y riba kico mester traha ainda pa ta exitoso riba termino largo.
E premio “Best in Business Award” ta brinda e participantenan un metodologia pa progresa den diferente area manera inovacion, proceso integra pa aumenta efectividad y eficiencia pa exito riba termino largo.

CON TA EVALUA BO EMPRESA
Segun e modelo di “Business Excellence”, ta haci distincion di dos area di atencion, esta 5 area di organisacion y 4 area di resultado.
E areanan di organisacion ta indica con y cu kico un organisacion kier logra e resultadonan desea.
E areanan di organisacion ta: Liderazgo, e empleadonan, maneho y strategia, “partnership” (aliansa), medio- y procesonan.
Di e forma aki, e proceso di evaluacion ta bira comprendibel. Cu e areanan di resultado por midi y evalua kico un organisacion a logra a base di su esfuersonan.
E organisacion ta uza e informacion di e resultadonan pa mantene su rumbo, pa mehora of pa innova.

INSCRIPCION
Por inscribi via www.myguardiangroup.com te cu diahuebs, 4 di mei 2017. E lista di pregunta ta consisti di 15 pregunta.
Despues di esaki, bo ta invita pa participa n’e “Business Scan”. Tur e empresanan cu ta participa lo ricibi gratis un resumen di e resultado di e “Business Scan”.
E 5 empresanan cu ta den e etapa mas halto di crecemento lo sigui p’e siguiente buelta.
E siguiente rond ta consisti di un bishita n’e empresa, un entrevista na radio y un presentacion di e empresa na nos cuerpo di hurado profesional.

ENTREGA DI PREMIO
Lo anuncia e ganador di e premio “Best in Business Award” di Guardian Group Fatum dia 29 di juni na Tierra del Sol.
Kico e ganador lo ricibi? 10.000 Florin cash; Cantidad di publicidad gratis; Derecho riba uzo di e “Best in Business Seal” riba tur medio di comunicación y hopi mas …

Top