Boardwalk Small Hotel a celebra Siman di Housekeeping 2017

E ekipo di Housekeeping y Maintenance di Boardwalk Small Hotel na Palm Beach, cual ta consisti di un total di ocho miembro di staff, a ricibi palabranan di aprecio caluroso e siman aki for di gerencia di e hotel, Kimberly y Stephanie Rooijakkers.
Tambe, ful e ekipo a gosa durante ful e siman di un paar di team outing fabuloso.

Riba diadomingo, henter e ekipo a bini hunto na Benihana’s y a a siña pa traha cuminda riba stoof Japones. Diamars, den oranan di anochi henter e ekipo a gosa di un actividad di Sassy Screen Scrapbook. Akinan tur miembro di Housekeeping y Maintenance a traha nan mesun composicion di verf riba canvas. El a resalta den arte colorido cu a wordo regala na cada un pa hiba cas.

Concluyendo e celebracionnan dibertido di Siman di Housekeeping, tur miembro di staff a wordo soprendi na Boardwalk cu un bolo grandi na parti di Martijn Trading.

Pa mas informacion tocante Boardwalk Small Hotel, bishita www.boardwalkaruba.com.

Top