Bolichera Kamilah Dammers lo competi den e PWBA US Woman’s Open na Las Vegas, Nevada

Despues cu aña pasa el a forma parti di e liga profesional di bowling PWBA, e bolichera Kamilah Dammers e aña aki un bes mas ta activo unda e lo hunga su di dos torneo porfesional pa loke ta e temporada aki.

Algun siman atras Kamilah a hunga den e PBWA Clearwater, pero aki el a keda net cortico p’e playoff entre e 38 miho hungadonan.

Awo e lo competi den e torneo mas grandi di Merca, esta e PWBA US Open na Las Vegas, Nevada.

Mester bisa cu durante di e US Woman’s Open, e bolichera Dammers lo hunga un total di 3 dia di clasificacion y despues lo tin 2 dia di match play caminda e miho hungadonan lo sigui p’e rond final.

E tour profesional PWBA ta conta cu un total di 11 torneo rond Merca y mayoria hungado ta di nacionalidad Mericano. E otro representacion ta bini di e. o. Colombia, Mexico, Republica Dominicana, Venezuela y Aruba.

E hoben Kamilah Dammers ta un di e miho bolicheranan di Aruba.

Na 2014, Kamilah a logra triunfa cu medaya di Oro y Plata den e Weganan Centro Americano y del Caribe na Veracruz, Mexico.

Top