Boluntarionan di Cruz Cora Aruba a yega St. Maarten dialuna anochi

 

Cu horcan Irma na caminda pa St. Maarten diaranson, Cruz Cora Aruba a dicidi dialuna mainta, cu lo manda 3 boluntario pa sostene St. Maarten Red Cross den preparacion pa loke ya caba a wordo confirma di ta un Horcan Categoria 5.

 

Den algun ora, a logra pa e boluntarionan aki haya dispensacion di nan trabou y cuminsa prepara pa nan salida 4’or di atardi. Riba potretnan adhunto por wak Dionisio Richardson, Giomar Violenus y Reginald Tromp paketando slaapzak, supply di cuminsa di emergencia, kots, flashlights, handschoen y otro materialnan pa uzo personal durante nan estadia.

 

Tambe ta den preparacion p’asina por manda un grupo di mas of menos 12 boluntario despues cu e horcan pasa p’asina por manda mas material y asisti den shelter, servicio di ambulance, ayudo na bejaardenzorg y hospital.

 

Tambe Cruz Cora Aruba a percura pa den e grupo aki tin boluntarionan capacita y entrena pa Federation of Red Cross and Red Crescent riba tereno di NIT (National Intervention Team), VCA (Vulnerability Capacity Assessment), PSP (PsychoSocial Support), WATSAN (Water & Sanitation Team) y MEGA 5 (Victim Registration System) y varios EMT (Emergency Medical Technician) p’asina por duna un bon sosten na e team di St. Maarten.

Leave a Reply

Top