Bon dia, yen di alegria! Skirbi pa: Ruthy “Lady Ruth” Vrieswijk-Bergen

Shonnan bunita, con a bay?

Un placer pa mira e bunita sonrisa rib’e caranan contento cu curason yen di gradicimento pa bida, pa amor, pa pasenshi, pa bondad, pa alegria y pa sabiduria y specialmente pa salud.

Pa algun enfermedad por tuma remedi, pero tin otro enfermedadnan cu no por cumpra su salud, y tin cu accepta cada dia como un precioso regalo di nos Creador di amor.

 

Despues di un siman serio cu diciplina y amor, dedica na mi bunita mama recuperando di su salud, mi a treat mi mes un entrada n’e fiesta di “Nochi di bailadornan” den Renaissance Ballroom, cu dushi pero super super super dushi musica di The Tramps, The New Strangers y e grupo di Pachi of ta Payo Juliette?

Asina mes! Mi a bai pa baila y t’esey mes mi a hasi! Anto sin mi querido esposo, pareha cu tambe ta gusta baila. Pero pa motibo di otro compromiso mi a hayami mi so ta yega e Convention Center di Renaissance pa topa na porta cu mi bon y bunita amiga Helen Lacle, esposa di Jaime Lacle, nos amigonan di scouting pa añas.

Mi a cumpra mi carchi di entrada for di dje y djey cana drenta sin sa kiko ta sperami.

Wel, wel, ya caba e sala tabata casi full yen, anto no tabatin ni 8’or ainda!

E fiesta tabata di 8’or pa 1’or di marduga.

 

Contento di por a join Helen cu Jaime na nan mesa cu bon bista ariba e dansvloer. Ya bo sa, pa inspira cu e alegria un tiki mas.

Wel, wel, e prome banda, The Tramps, a habri e fiesta cu un dushi piesa pa despues su tras toca y canta mi cantica favorito ‘Jambalaya’!

Wel, wel, e pianan y e heupnan mes a dirigi nan mes ariba pista, si, mi so cu mi so.

Y asina mi a cuminsa celebra mi alegria e diasabra anochi aki, mey mey di nos dushi hendenan, hendenan cu ta gusta baila pasa bon. Asina mes! Despues mi a join mi amiganan entre nan, Lady Sandra Jacobs y Yolanda van der Linde, baila den grupo cu mas damanan great elegante cu nan bon autoestima, sa ken nan ta, y baila bai gol, expresa nos alegria pa bida.

 

E banda The New Strangers a ripara cu tin un hende muhe demasiado alegre su so ariba pista, cu nan tambe a toca Jambalaya, aunke The Tramps a tokele mas dushi, manera nos conoce e cantica. Pero ja, tin cantantenan cu kier pone nan mesun zjeito den cada cancion.

 

Nos a refresca e garganta cu ‘pineapple juice’ y saborea un dushi croket hopi tempran y mas laat den e anochi un cranberry juice cu croket. Nan a baha hopi bon.

Excelente servicio di e bar y cushina. E waitressnan tambe hopi carinoso y servicial.

Shonnan, pa ora cu e grupo di Pachi of ta Payo Julliette a cuminsa toca, e ambiente a bira pica y brabo!

Palabranan dobel sinti tabata skeiro bay gol y tur hende na harimento, hopi di nan subiendo e pista di baile pa los e pianan cu ya tabata tur los caba, pero awor cu mas energia pa nan baila cu hopi alegria!

 

Pabien na sr. Rudy Leysner y Harold de Miranda pa a organisa e exitoso Nochi di bailadornan atrobe! Movemento pa bida.

Y un danki na tur cu a cumpra nan carchi, pa yudanan cu mas bunita proyecto.

Lady Ruth a kere cu ningun hende ta bay corda cu el a subi pista su so cu su alegria, pero dialuna e asistente bunita y lief di dr. de Wind a bisami cu el a wak mi baila mi so yen di alegria, ora a bai hasi afspraak pa e controle di mi querida y bunita Mama.

E asistente su smile bunita a alegra Lady Ruth su curason un tiki mas!

Pasobra e tabata hopi yen di e bunita bendicion di e trabao profesional cu dr. de Wind a hasi cu e heup di Lady Ruth su Mama.

Un Docter specialista y tur su otro titulonan bunita cu ta traha asina bon, cu su bunita lus den su experticio, capacidad y talentonan di entre otro pone hende cana atrobe cu un temporada di therapie.

Danki lieve dr. de Wind, y danki na staf y personal di Hospital HOH pa tur e otro tratamentonan profesional cu curason tambe, especialmente e verpleger Alvin cu ta traha cu curpa y alma den su amor pa prohimo ruman patient.

We love you all and may God bless you all! “Yess! ‘Dancing solo is sometimes so beautiful’ ta manera baila riba halanan di amor…..”

Leave a Reply

Top