Brazil Taekwondo a reuni cu Carlos Hernandez

Siman pasa Directiva di Brazil Taekwondo Stichting a reuni cu Carlos Hernandez di www.mundotaekwondo.com tocante di su plan di entrenamento di e siman cu e tabata na Aruba. Carlos Hernandez a splica tocante di e camp training na luna di november cu ta bay combina hunto cu Best of the Best 2017 unda lo bay trece 3 pa 4 atleta cu ta den e topnan na mundo. Carlos Hernandez a bisa cu p’awor e no por menciona e nombernan, pasobra ainda e no a concretisa e deal pa nan bin duna training aki na Aruba.

 

Carlos Hernandez a confirma si cu lo bay tin atletanan for di Colombia, Panama, Venezuela, Corsou y Surinam.

Tur esey t’e paisnan cu a confirma caba cu nan ta bay forma parti di e camp training y Best of the Best 2017 na Aruba.

Ta spera pa tin tur cos cla na final di april p’asina cuminsa cu e promocion di e camp training y Best of the Best 2017.

 

Durante di e reunion a papia riba e desaroyo di Brazil Taekwondo,  cu ta trahando duro riba e biahe pa Korea y e training di e atletanan a subi di nivel caba.

Josefa Willems a calcula e suma cu lo bay costa pa cada atleta pa Surinam na luna di juni prome cu nan bay Korea.

Josefa Willems a informa tambe tocante di e suma cu tin na banco y kico tur mester haci p’asina por yega n’e meta cu ta President’s Cup na luna di october na Las Vegas.

 

Mirando cu Danica Delamore no tabata presente a pospone varios punto p’e siman aki pa por determina kico tur lo bay haci pa tur hende ta riba e mesun caminda ta core.

 

 

 

 

Top