Brazil Taekwondo a reuni tocante e biahe pa Korea

Diahuebs ultimo Brazil Taekwondo Stichting tabatin reunion tocante di e biahe pa Korea, mirando cu ta falta solamente 1 siman mas p’e team di “Train Hard Fight Smart” biaha pa Korea.

E team di 6 atleta awor a bira 4 dor di situacionnan for di alcance di Brazil Taekwondo. BTS a haci tur esfuerso, pero te eynan Brazil Taekwondo a yega.

 

Durante di reunion a discuti tocante di regalo di Pasco p’e atletanan, pasobra ta tradicion di BTS p’e muchanan.

Despues di e biahe di Korea y e relato, lo discuti y evalua den ki direccion lo bay.

Un cos sigur si ta cu BTS lo participa n’e Pan Americano di Taekwondo, pasobra Záhyon Klabér a clasifica p’esaki.

 

Tin e Open di Argentina y di Costa Rica tambe y tin e Canada Open. Ta varios campeonato di G-ranking tin y nos lo participa n’esakinan p’asina por midi e atletanan y sigui representa Aruba na grandi internacionalmente.

A discuti tocante di e lugarnan cu BTS lo bishita pa saca potret p’e calender di 2018, esaki lo sigui na luna di juli.

Esaki ta un proceso cu ta tuma su tempo, mirando cu e calender mester keda cla pa luna di september pa cuminsa bende esakinan.

 

E meta pa recauda fondo ta pa cumpra un bus nobo pa transporta e muchanan, protector nobo p’e muchanan y mas material pa training.

E bus di BTS ta den un estado cu ta pidi pa un otro.

Josefa Willems a presenta e estado di cuenta y kico tur tin pa paga p’asina sr. Willy Willems por paga esakinan.

Sra. Danica Delamore a bisa cu nos lo bay cu un vakantie chikito p’e muchanan tambe por haña un descanso chikito pa despues start bek na luna di juli bay te cu december y sigui bay full trot.

Nos a menciona tocante di e Youth Olympic Games di Taekwondo na aña 2018.

 

 

Top