Brazil Taekwondo Stichting a reuni cu su directive: Pa analisa kico mas falta prome cu fin di aña

Diahuebs anochi, siman pasa directiva di Brazil Taekwondo Stichting a reuni na Centro di Bario Brazil. A discuti varios punto, specialmente e di 8 Aruba Caribbean Cargo Taekwondo Cup di sra. Lila de Cuba kende ta biba na Miami y kende semper ta contribui cu Brazil Taekwondo Stichting y pa 8 aña consecutivo caba e ta sponsor di e Aruba Caribbean Cargo Taekwondo Cup cu ta dia 30 di september 2017.

 

A discuti tocante di e punto di mas importante cu t’e Cena di Pasco y con esaki lo bay wordo haci e aña aki, mirando cu tur aña ta haci esaki diferente pa no tur aña bin cu e mesun cos.

Tin algun personahe cu ta bay bin for di exterior pa haci e Cena di Pasco aki un tiki diferente. Lo cuminsa cu e invitacion na luna di october caba pa por sigui cu tur e preparacionnan.

Josefa Willems t’e tesorera di Brazil Taekwondo Stichting y a controla tur e recibonan di Korea y asina por termina e relato financiero di Korea. Aki si tabata tin un challenge, dor cu tur e recibonan ta na Koreano.

 

E siguiente car wash y BBQ lo bay segun e plan di 2017 cu ta bay ta dia 1 di october. Ainda no por forma un team di TK5 infantil p’e TK5 na Corsou na luna di november y ta haci dificil pa Aruba por participa cu un team di infantil, pero si lo bay cu algun Junior cu lo bay forma hunto cu Corsou un team pa enfrenta e otro paisnan internacional.

 

Alberto Klabér a trece pa dilanti cu e lo participa n’e President’s Cup cu ta un G2 na Las Vegas cu solamente 1 atleta, mirando e resultadonan cu a presenta na Costa Rica. Ainda lo por bin cambio, si e dos rumannan Lowe nan mayor keda cla cu nan pasaportenan.

Top