Brazil Taekwondo Stichting a reuni hunto cu su miembronan tocante di e biahe di Surinam

Diahuebs anochi, siman pasa directiva di Brazil Taekwondo Stichting a reuni unda Aaron Jacobs a splica tocante di e biahe di Surinam y con esaki a bay, como cu tabata e prome biaha cu el a biaha pa Surinam hunto cu e team.

Un team cu a bringa p’asina logra gana e di 5 copa di TK5 na Surinam. Un record cu a bin ta logra cu e team di TK5 pa di 5 aña consecutivo.

Ya pa 5 aña caba ta scoge atletanan pa prepara nan pa nan ta cla na tempo y bon prepara pa representa Aruba na grandi.

 

Awor lo manda un carta pa tur e otro scolnan di Taekwondo pa mira si nan interes ta Aruba of personal, pa por logra di forma un team dinamico p’e TK5 na Corsou na luna di november.

Surinam tabata un biahe hopi cortico, pasobra e team yega Surinam pa 1’or di madruga pa despues core un ora den e bus pa yega n’e hotel y come y prepara pa drumi y pa atardi 6 ‘or cla pa bringa y despues e dia siguiente lanta 4’or di madruga pa bin bek Aruba.

 

Aruba tabata bon prepara dor di e trainingnan cu a wordo duna n’e atletanan pa por a logra locual ta logrando pa di 5 aña caba. Esaki a bira un tradicion caba y e trainingnan no ta facil. Trainingsnan ta duro unda cu ta train pafor y paden, especialmente e training den aire liber cu ta papia di interval training.

 

Danica Delamore a splica tambe tocante di e deadline di e rifa di television y cu e placa di esaki mester wordo entrega pa diabierna awor sin falta. Pa recauda fondo p’e stichting a bin cu e idea di rifa un television LG Flatscreen pa wak con esaki lo bay den lugar di e car wash y BBQ, pasobra esakinan ta trece masha hopi trabou mes.

E aña aki tin varios biahe riba e plan y mester recauda fondo si kier logra yega na tur.

 

E plan pa Korea ta cla caba y 6 atleta lo bay Korea pa participa n’e Korea Open y na training. Alberto Klabér kier logra un biaha mas e maximo den medaya na Korea mescos cu na aña 2015 na unda cu a bolbe Aruba cu 8 medaya.

 

Top