Brazil Taekwondo Stichting ta na ordo di dia cu su reunionnan pa plan di 2017

 

Diahuebs ultimo Brazil Taekwondo Stichting a reuni pa cuminsa reparti tur e tareanan p’e camp training di Carlos Hernandez cu lo bay ta na Aruba dia 26 di maart te cu dia 3 di april y ta bay hospeda na Paradise Beach Villas.

 

Danica Delamore a bisa kico tur ta spera di tur mayor, tambe a bisa cu dia 8 di april Brazil Taekwondo ta organisa e Ultimate Taekwondo Cup y un team grandi di atletanan di Brazil Taekwondo ta bay midi forsa.

E aña aki lo biaha pa Surinam for di diarazon y no diabierna anochi p’e atletanan por descansa pa ta bon prepara p’e Open di Surinam.

Manera cu bolbe for di Surinam ta bay tin e warming up p’e team di Korea cu mester ta den nan top shape pa Korea Open cu ta un G2 ranking.

 

A dicidi di bay bek cu car-wash y BBQ, mirando cu e rifa ta duna su fruto, pero hopi ta pidi p’e BBQ cu t’asina dushi. Pueblo a gusta e mannan cu ta haci e BBQ di Brazil Taekwondo.

A plania e siguiente BBQ y car-wash pa dia 7 di mei, mirando cu dia 2 di april nos tin e rifa di un BBQ Grill.

Josefa Willems a duna cuenta di e parti financiero y cuanto carchi a wordo bendi di e rifa di e television.

 

Alberto Klabér a splica bon cla cu e ta bay forma un team nobo p’e proximo TK5, no ta sigur si lo bay Corsou ainda, mirando cu no tin un aerolinea cu por garantisa nos yega bon y bolbe bek. Lo bay evalua e resultadonan di Ultimate Taekwondo Cup p’asina cuminsa manda invitacion pa tur scol di Taekwondo na Aruba cu tin atleta cu kier forma e team di TK5.

Nos semper ta cuminsa cu un preparacion hopi tempran p’asina por duna tur atleta e oportunidad pa drenta den e team di TK5. E no ta un free for all.

 

Nos tin 5 aña consecutivo ganando e Copa na Surinam y nos kier sigui gana esaki pa pais Aruba. We Train Hard to fight Smart.

Asina por a nota cu ainda no por a keda cla cu tur e puntonan di e reunion, mirando cu t’asina hopi cos y hende ta envolvi den e taakverdeling.

Training a cuminsa subi e seroe caba y por ultimo a laga e parti di uniform p’e proximo reunion.

 

 

 

 

Top