Brazil Taekwondo su plan di actividad pa aña 2018 ta cla

Brazil Taekwondo Stichting su plan di actividad pa aña 2018 ta cla caba. E plan di actividad di Brazil Taekwondo Stichting semper ta cla na luna di augustus y semper ta warda un rato mas pa wak si ta bin cambio den e mundo di Taekwondo di parti di PATU of WTF.

Tur aña e calendario di PATU y WTF ta haci cu e team di Train Hard Fight Smart di Brazil Taekwondo Stichting ta haña nan mes forsa pa adapta su actividadnan dor di e eventonan di G1 of G2 cu ta hopi mas importante.

 

P.e. otro aña tin e clasificacion p’e Pan Americano 2019, pero ainda no tin fecha ni pais pa organisa esaki. Brazil Taekwondo Stichting ta focus awor riba e Open USA, sigui pa Tunisia si keda cla cu e compromiso di e mayornan pa por logra e meta aki.

Na luna di juli tin e camp training na Europa cu no tin fecha tampoco ainda y ta haci cu mester warda pa ETU manda e fechanan aki pa aña 2018.

Maart t’e Open Dutch of e Open Belguim y nos no sa ainda na cua di e dos eventonan aki nos lo bay, dor cu e fechanan no ta bon conoci ainda.

 

Brazil Taekwondo Stichting su plan di actividadnan manera e car-wash ta sigui segun e plan di actividadnan p’asina por recauda e fondonan necesario pa por logra e biahenan cu e team di Train Hard Fight Smart tin.

Un cos ta sigur si cu pa aña 2019 nos tin algun lugar cu nos ta bay sigura caba. Tocante di e TK5 no ta conoci si nos lo bay n’esaki ainda, pasobra ainda nos no a forma un team. E otro cos importante p’e team ta cu nos ta conta cu mas faha preto cu ta haci cu e team a bira mas grandi y nos por bisa cu tin un trainers korps mas grandi awor.

 

Top