Bunita recital di piano e fin di siman aki

Sr. Livio Hermans lo presenta diadomingo awo 5 di maart na Cas di Cultura den e sala chikito un recital di piano cu piesanan di compositornan di renombre. E recital aki lo ta na beneficio di e fundacion di cancer Koningin Wilhelmina Fonds.

 

E prome parti di e concierto lo consisti di piesanan clasico manera obranan di Mozart, Bach, Chopin, Schumann y Tschaikowsky. Despues di intermedio lo sigui cu e parti di compositornan Arubano manera e. o. Padu del Caribe, Rufo Wever, Johnny Croes, dr. Oswald Wever y sra. Margareth Hage Barbour. E recital ta cuminsa pa 5’or di atardi y e entrada ta 25 florin.

Ticket ta obtenibel na Plaza Book Shop y tambe e mesun atardi na porta. Bin disfruta di un atardi placentero den ambiente di musica clasico, mientras bo ta aporta na e educacion y conscientisacion di nos comunidad rib’e lucha contra cancer.

Top