Bureau Leerplicht ta sigui monitor si tur mucha ta bay skol

Nos ta un luna caba den aña escolar 2017-2018 y manera tur aña Bureau Leerplicht ta monitor si tur nos muchanan ta bayendo scol.

Despues di a tuma contacto cu e directivanan di scol, Bureau Leerplicht por informa cu tur mucha a haya un lugar na scol.

Tin algun caso di muchanan cu a busca scol laat y cu ta desea di haya un lugar na un scol serca di nan cas.

Tin biaha esey no ta posibel, pero e directivanan ta percura p’e muchanan ey worde poni na un otro scol.

Bureau Leerplicht ta satisfecho cu e contacto cu nan tin cu e directivanan di scol y ta spera cu e cooperacion aki lo sigui den e aña escolar aki tambe.

Bureau Leerplicht ta desea alumno y maestronan un bon aña escolar 2017-2018.

Top