CAFt = Caba Aruba Financieramente total, Pa Norman L. Kuipéri

Un rapport cu lo mester ta recomendando un pais páso nan pa tuma, pa por drecha su situacion financiero, hamas por permiti e idioma di e raport y of su cifranan wordo interpretá.

Mantencion di integridad semper mester ta prioridad pa tene n’e nivel mas halto den loke ta raporta.

 

Sinembargo …..

E ultimo raport di CAFT di 29 di augustus 2017 ta lanta pregunta serio riba e intencion pa cual razon e instancia aki ta scirbi den e forma aki, lagando hopi pregunta sin contestá  cu ta relata cu e maneho financiero cu no ta bin ta cuadra cu loke a aproba den e presupuesto di 2017, ni tampoco pa cual e instancia a wordo institui.

 

Sin pia, y sin cabez:

Ta haci mencion di cu “si tur cos keda mescos lo por hasta mira un bahada di e quota di e debe/PNB”. Un declaracion calificá como iresponsabel, irealistico, y sigur no basá riba un trayectoria cu CAFT por deriva un conclucion valido cu lo por acerca e realidad.

 

Fayo na banda di entrada (e.o.):

Den e dos raportnan prome cu esaki CAFT ta haci mencion di entradanan cu a wordo poni den e presupuesto 2017, cu e.o. ta inclui Afl 26 mln di Valero pa aña 2016 y 2017, di cual parcialmente Valero a cumpli cu un parti chiquito di esun di 2016, y mas nada.

Tambe a hinca den e presupuesto 2017 cu lo tin un cumprado aspirant pa Fuels Marketing & Supplies Aruba N.V. dispuesto pa paga Land Aruba e montante di Afl 40 mln, cual transaccion no a tuma lugar ainda.

 

Entrada di Loonbelasting, AOV, AZV tambe ta presupuesta pa 2017 basá riba 1250 persona cu lo ta emplea na RDA entrante 1 di januari 2017 cu lo a produci pa caha di gobierno riba Afl 24 mln , cual sigur no t’e caso.

 

Fayo na banda di gasto (e.o.):

Den e prome dos raportnan prome di e aña aki CAFT ta haci mencion di bahada di gastonan cu a wordo poni den e presupuesto 2017 cu ta carece di realidad pa cual nan a pidi splicacion di parti di Gobierno, pero e ultimo no a cumpli cu nan peticion.

Tambe ta comenta di cu lo ta tin un “forse toename in personeels uitgave in de overheidsdienst”, cual e Minister di Financiën, Angel Bermudez, ta nenga.

E mesun Minister ta lubida di bisa e pueblo ta for di kende y of cua oficina CAFT ta obtene e informacion aki.

 

Cuanto e deficit ta, y ta cuanto a wordo aproba?:

E deficit a wordo aproba por medio di un ley den Staten, cumpliendo cu palabracion haci cu CAFT na Afl 24,6 mln, representando 0,5% di e PNB.

Den e raport riba UR1 CAFT ta enfatisa cu e deficit a surpasa locual a wordo aproba y pasa pa ley ya a yega Afl 76 mln, representando 1,6% di e PNB. Mas cu 3x locual ley a permiti.

A palabra pa medio di un ley cu e deficit di 2016 lo ta estableci na 2,5% di e PNB, mientras cu Algemene Rekenkamer a publica cu e deficit crea ta (Afl 177,3 mln) 3,7% di e PNB, o sea a gasta 50% más di loke a wordo permiti pa ley.

Sinembargo Prome Ministro a splica e pueblo cu nan a casi logra cumpli cu e 0,5% palabra, y cu e logro ta 0,7%.

Bruhando e exploitatietekort cu e financieringstekort convinientemente!

 

E mesun CAFT aki den un raport ta papia di “begroting 2017”, y den e ultimo raport aki ta papia di un “prognose 2017”; hustificando e diferencia (cambio) cu ta Gobierno a adapté pa “actualisé”. Gobierno y CAFT ta ignorando ley di presupuesto 2017 aproba den Staten di Aruba!

 

Suppletoire Caft Raport talbes:

Mientrastanto e maneho no ta wordo discuti, sino simplemente ta haci mencion cu tin caminda cu mester por mehora, lagando completamente pa interpretacion e contenido di e raport aki.

Ta di spera cu Raad van State ta tuma nota di e trocemento di palabra y fayo di informacion importante cu nan discusion respectivamente, exigiendo e mesun CAFT aki pa produci un raport nobo, pero cu ta representa integridad y obhectividad den nan presentacion y discusion pa cu e meta di convence Gobierno pa drecha cos, sin laga lugar pa interpretacion y manipulacion di palabra y of cifra!

Tik Tok Tik Tok Tik Tok …..

Leave a Reply

Top