Caft ta bolbe duna MEP rason: Presupuesto 2017 no ta realistico Otro prueba cu ta MEP so por salba Aruba di abismo financiero

CAFT a duna un otro veredicto devastador contra e maneho financiero di Gabinete Mike Eman. CAFT ta expresa dudanan serio den e presupuesto di 2017 cu e 12 Parlamentarionan di AVP a aproba ciegamente.

CAFT ta di opinion cu Gobierno ta gaña su mes, y ta manipula cu cifras, djis pa – riba papel – yega na un deficit abou, pero cu no ta realisitico, segun MEP den un declaracion.

 

Mike Eman y su Gabinete tin 7 aña ta gaña y manipula cu cifras, pero parce cu poco poco e careda di bina ta yegando na su fin, pasobra poco poco CAFT ta haya mas curashi pa di berdad pone orden riba Mike Eman.

Cu nan lo pone orden mes, no ta sigur ainda, pasobra te ainda CAFT tabata solamente un tiger di papel.

 

Pero pa awor nan a duna Mike Eman y su Gabinete 14 dia, pues te dia 25 di januari, Dia di Betico, pa contesta preguntanan cu implicacionnan serio.

Basicamente CAFT ta bari e presupuesto for di mesa, bisando Angel Bermudez cu e no ta sirbi como Minister, y bisando e 12 Parlamentarionan di AVP den nan afan di “stempel parlement”, con nan por a aproba algo cu no ta completo.

Algo cu falta informacion basico, manera calculacionnan realisitico con lo logra e meta den e presupuesto.

 

E raport di CAFT di 11 januari 2017 ta realmente un bofta den cara di Mike Eman y ta mas aun un berguensa p’e Parlamentarionan di AVP bou liderasgo di Marlon Sneek y drs. Mervin Wyatt Ras cu a bisa “voor” sin sa kico nan a aproba.

CAFT a duna Mike Eman awor 14 dia pa drecha nan trabou, pa traha un presupuesto drechi cu calculacionnan realistico, pasobra CAFT no tin confiansa den loke Mike Eman ni Angel Bermudez a pone riba papel y e Parlamentarionan di AVP a aproba.

 

Ban wak si awor si Mike Eman y Angel Bermudez ta bay tuma e asunto aki na serio, pasobra ya nan a ridiculisa nan 12 Parlamentarionan di AVP, Marlon Sneek y hasta drs. Mervin Wyatt Ras cu a vota VOOR p’e presupuesto y awor ta resulta cu nan ni sa pakico nan a vota.

Esaki ta prueba un biaha mas cu AVP mester bay.

Cu ta MEP t’e UNICO cu por goberna Aruba na forma drechi. Pasobra tempo di MEP e cosnan aki no tabata pasa, Minister di Finansa di MEP sr. Nilo Swaen a haya elogio tras di elogio di Gobierno Hulandes y Gobierno di Reino.

 

Y esaki ta prueba un biaha mas cu nos mester cambia e sistema di stempel parlement den Parlamento, p’asina Parlamentarionan por haci nan trabou drechi, pa evita e tipo di berguensanan aki pa nos pais.

 

Top