Campeonato Arubano 2017 di Esgrima lo tuma lugar dia 17 awor na IBISA San Nicolas

Na vispera di Dutch Caribbean Fencing Championship  2017 cu lo tuma lugar den prome siman di october, Federacion di Esgrima SABA lo tene su tradicional Arubaanse Kampioenschappen diadomingo awor, 17 di september, den e accomodacion di IBISA San Nicolas.

E competencia lo ta uno Wapen: Degen. E inscripcion lo ta 9or di mainta, mientras e competencia mes lo inicia pa 10or di mainta.

 

Mirando cu e Dutch Caribbean Fencing ta den porta tur atleta lo kier ta mihor posibel prepara p’e competencia internacional celebra na cas. Clubnan di esgrima, Universal Fencing Club, Scherm Club Brazil, Centro Deportivo Playa y Don Bosco Knights/Beau-Gest sigur lo forma parti di e Arubaanse Kampioenschappen cu nan mihor atletanan.

Mester bisa cu cada bes nos por mira varios prospecto y talento nobo den e deporte di arte martial, mientras cada dia e ta bira mas popular cu mas club y miembro.

 

Un danki sigur na Lotto, e Loteria di Aruba pa medio di Comision di Subsidio cu a subsidia e competencia di esgrima Arubaanse Kampioenschappen 2017

Top