Campeonato di ABBA dedica na dos baluarte, Franklinn Danies y Milton Croes

For di Sherwin Howell, Presidente ABBA, nos a recibi un invitacion pa cubri e apertura di Campeonato di Baseball di ABBA, cu ta habri awe. Cu ta cuminsa for di Liga Menor te cu AA.

 

Esaki lo tuma lugar awe diasabra 2 di september 20107 na Joe Laveist Ballpark. Tur team lo cuminsa stel op 4:30. Desfile di teamnan lo cuminsa pa 5:30. Despues lo sigui palabra di invitadonan special. Pa 8or di anochi lo tin e prome wega entre e Campeon y Sub Campeon di temporada pasa.

 

Campeonato ta ser dedica na sres. Franklin Danies y Milton Croes, kendenan t’e unico dos peloteronan di Aruba cu a hunga den baseball mundial IBA World All-Stars na aña 1990 y 1991 caminda Western Hemisphere di mundo a topa Eastern Hemisphere.

Sr. Franklin Danies a hunga na ’90 de Altanta Braves Stadium y sr. Milton Tromp a hunga ‘91 den Dodger Stadium. Tur 2 heroenan aki a representa e Western Hemisphere di Baseball Mundial IBA World All-Stars.

 

ABBA ta pidi tur fanatico di tur team cu den pasado y actualmente ta forma parti di e dos personan aki pa asisti na evento aki pa reconoce e dos baluartenan aki y apoya y engrandece baseball di Aruba. T’asina so nos por reconoce dos Heroe di Baseball Arubiano, segun Sherwin Howell, Presidente di ABBA.

 

 

Top