Candidato number 4 mas duro cu nunca! Pueblo ta respalda y ta ricibi Arthur Dowers den barionan cu brasa habri

Un siman cu hopi acontecimento pa Partido AVP y pa Minister di Husticia actual Arthur Dowers. Diahuebs despues di a bira conoci e number cu cada candidato lo hiba rib’e lista di AVP, a tuma luga e celebracion grandi den e team cu no solamente e campaña aki, pero algun campaña consecutivo ta sostene masalmente nan candidato Minister di Husticia, drs. Arthur Dowers, kende ta number 4 rib’e lista.

 

Un team cu ta hopi activo, yena di ambiente y bon organisa cu personanan experencia y motiva pa hiba un campaña dinamico y Duro manera ta nan slogan. For di akinan a cuminsa mobilisa e grupo grandi p’asina prepara e salida di diabierna atardi conhuntamente cu tur otro di team di partido AVP pa hunto sali en grande pa entrega e lista victorioso encabesa pa Minister President di pais Aruba Mike Eman.

 

For di akinan a recarga e baterianan y sali drenta barionan cu ta en espera di su bishita, pa demostra nan sosten, pa intercambia ideanan importante. Tambe Arthur Dowers a ricibi bendicion for di e personanan di e bario y abraso di forsa p’e siguiente gobernacion cu ta na caminda. Fin di siman a toca turno na San Nicolas, e. o. Rooiweg, Weg Fontein, Diamantbergweg un parti, Hildebrandstraat y a termina na un tremendo reunion di contacto na Rasmijn straat cerca famia William.

 

Team Dowers ta sosteniendo e candidato Arthur Dowers. Team Dowers ta keda un di e teamnan cu mas actividad y mas dinamismo pa trece dilanti motibonan y informacion pa kico bo voto lo ta uno bon representa den persona di Arthur Dowers. Esnan cu pa e temporada aki lo kier forma parti di team Dowers, por pasa na Cas di Partido Dakota y haya mas informacion di esaki.

 

Campaña 2017 ta uno cu lo pasa pa historia den politica di pais Aruba, cu un victoria asina aki lo biba un partido na un 3er gobernacion consecutivo cu ta algo nunca antes bista na pais Aruba.

Lo sigui tene e team aki na bista cu a bisa unda cu nan bay, cu nan ta mas duro cu nunca.

E eleccion aki ta sumamente interesante y nos tin cu bisa cu Dowers ta Duro!

Leave a Reply

Top