Cantidad di Diabetico na Aruba ta alarmante

Awe ta ser conmemora rond mundo, Dia di Diabetico y na Aruba nos no por keda afo. Di acuerdo cu sra. Iraida Thijzen di IBISA, seccion Salud, e cantidad di hende diabetico na Aruba ta alarmante. Sigur e diabeticonan conoci, mas esnan cu ta pre-diabetico, cu t’esnan cu ta apunto di riba diabetico.

 

E cifra na Aruba t’asina espantoso pa cual sigur IBISA mester haci algo y bira mas agresivo pa cu diabeticonan. Seccion Salud di IBISA ta recomenda cu pueblo tin cu siña come mas saludable, come mas fruta y sigur mester haci mas movecion.

8% di nos poblacion tin sucu halto y nan no sa esaki. Si nan no sa, Departamento di Salud no sa con por yuda nan.

 

E cifra aki, IBISA a haya for di PWC, cu nan a haya via di Steps di Departamento di Salud, for di cifranan di AZV y for di cifranan di International Diabetis Federation. Ta nan a yega n’e conclusion cu hendenan na Aruba cu ta pre-diabetico ta mas o menos 16.2%, cu sigur ta hopi compara cu otro paisnan, segun Iraida Thijzen.

 

Segun edad ta subi e risiconan ta mas grandi pa bira diabetico. Banda di esaki, sin den famia tin diabetis, e chens ta grandi tambe, cu bo por bira diabetico. Esaki ta hechonan cu no por cambia.

Si tin otro forma tog pa combati diabetico, esta cambia e sistema di come, baha peso y come mas saludable, stop di huma y wak con ta bebe bebida alcholico y wak pa move mas.

 

Tin dos tipo di diabetis, esta diabetico tipo 1, cu bo por haya na un edad hopi jong, cu ta mas agresivo y diabetis tipo 2, cu tabata ser yama “ouderdomsdiabetis”, nificando cu ta diabetis cu bo ta haya na un edad grandi, Pero esaki no t’asina mas, pasobra awendia mas y mas hende jong ta haya diabetis 2, meramente pa nan malstyle di bida cu nan ta hiba.

Te cu awe no tin cura pa diabetico, pero si por ser controla, cu bon alimentacion pa cuida e nivel di sucu.

 

Si bo subi di peso, bo presion tambe ta subi y mescos tambe e sucu. Si baha di peso, lo tin un mihor control di sucu y sigur lo mehora bo calidad di bida.

 

 

 

Leave a Reply

Top