Careda clasico 18 di maart

Aruba Wieler Bond ta organisando atrobe e careda di ciclismo “Clasico 18 di Maart”. E careda aki, na honor di nos dia di Himno y Bandera, ta tanto den e disciplina di Mountainbike como roadbike.

Tur dos grupo lo sali diasabra 7:30 di mainta for di Sero Colorado y lo termina na mesun sitio entre 09:00 y 10:30.

E ruta di mountainbike lo ta un recorido den e.o. Savaneta, Pos Chikito, Parke Nacional Arikok. E ruta di roadbike lo pasa e.o. den Ayo, Bloemond, Matividiri, Urataka, Maria Maai, Franse Pas, Yara, Sero Alejandro y Brasil.

Pa prome biaha ta bay tin e categoria di roadbike pa muchanan tambe.

Aruba Wieler Bond ta invita tur fanaticada di e deporte di cicismo y pueblo en general pa participa of pa bin apoya nos ciclistanan riba nos dia nacional di Himno y Bandera.

Top