Cargamento di mas grandi di cocaina confisca te awor na Alemania ta procedente di Corsou

 

 

 

 

 

 

 

BERLIN –  Miembronan di Aduana Aleman a confisca diabierne ultimo den haf di Hamburg, 717 kilo (1,580 liber) di cocaina, cu por produci riba mercado na benta como 145 miyon euro ($156 miyon).

E hefe di Aduana na Hamburg, Rene Matschke, a bisa diabierne ultimo cu esaki t’e cargamento di mas grandi cu a keda confisca na Alemania.

 

Loke a hala atencion tabata cu e droga aki ta procedente di Corsou, cu a ser haya den un container.

Rene Matschke a duna di conoce cu ta un gang internacional ta tras di cargamento aki, tin hasta un caso di secuestro cu a tuma lugar di e homber di 42 aña na Vriezenveen na Hulanda.

Ministerio Publico di Oost Nederland a confirma cu e relacion ta den proceso di investigacion, pero no por duna ningun notificacion di esaki ainda.

(E fotonan ta di Associated Press).

 

Top