Caribbean Mercantile Bank ta manda team special pa yuda Sint Maarten

Durante siman cu a pasa Aruba y henter Caribe a keda den suspenso pa oranan largo mirando noticia sperando e yegada di un tormenta nunca bisto cu nomber di Irma.

Un pensamento comun di merced pa scapa y speransa pa tur cu lo experencia esaki keda sano y salvo por a ser sinti. Lamentablemente horcan Irma a pasa riba of serca di nos hermana islanan y a laga hopi daño atras.

 

Boluntarionan pa yuda trece orden bek y reconstrui a ser yama y Caribbean Mercantile Bank a responde. Cuatro oficial di e team special di seguridad di e banco a compromete y a sali den solidaridad y hermandad pa bay asisti nan coleganan di Windward Island Bank den e esfuerzo pa pone Sint Maarten bek riba pia.

Ta desea e grupo balente aki tur clase di exito y perseverancia den e acto noble aki.

Top