Carta Habri di pueblo di Venezuela p’e pueblo y Gobierno di Merca

For di Consulado General di Venezuela na Corsou, nos a recibi e siguiente carta habri, cu ta bin di pueblo di Venezuela pa dirigí nan mes n’e pueblo di Merca. Bo mester sa cu dia 11 di augùstùs 2017, Presidente Donald Trump a menasa República Bolivariano di Venezuela cu intervencion directo di militar. E menasa peligroso aki a keda rechasá pa tur nacion i tambe pa e pueblo Merikano.

Sinembargo dos siman despues, Presidente Trump a imponé sancionnan severo y tambe sancionnan inhusto riba nos y públicamente a admití cu su intencion ta pa isolá Venezuela económicamente.

 

Ta trata aki di e mesun strategia – reconocé pa Gobièrno Mericano – cu a keda implementá pa tumba un Gobièrno democrático di Chile na 1973, habriendo e caminda pa dictadura di Augusto Pinochet por a tuma poder.

E menasanan aki y decisionnan unilateral lo afectá nos pais y nos forma pa busca recursonan di cuminda, salubridad y productonan na un manera serio, afectando asina e bida diario di nos pueblo.

Presidente Trump a bin ta traha riba e crísis político den nos pais, dor di forsa Presidente Nicolas Maduro for di poder, apesar cu na 2013 el a keda democráticamente eligí.

Nos ta bay mas leu, pasobra e accionnan aki ta afectá e ciudadano Mericano cu ta bay topa e posibilidad di un aumento di prijs di gasolin, miéntras cu tin míles di trahadornan cu ta coriendo e rísico di pèrdè e placa cu nan a spar pa ora cu nan baha cu pensioen, na momento cu bay afectá e bononan di Venezuela.

 

E comportacion aki ta inconsistente cu Donald Trump su slogan usa den campaña: “Make America great again”. Contrario e ta crea problema nobo, tanto paden como pafó di Estádos Unídos, haciendo bida duro tanto pa Venezolanonan como miónes di ciudadano Mericano, miéntras cu n’e mesun momento, e ta generá rechaso global y resentimento contra di Gobièrno di Merca y indirectamente contra su pueblo, cu no tin nada di haber cu e accionnan aki.

Mescos cu tabata e caso cu Irak, nos ta riba caminda pa un intervension militar inhusto y sin base, caminda ta petroleo t’e bèrdad.  Pero nada por hustificá cu Mericanonan hóben ta keda pusha den un otro conflikto militar, sigur no contra di un pais amigo y di pas manera Venezuela.

 

Venezuela no ta ni enemigo di Merca ni e ta representá un menasa pa su seguridad. Nos ta admirá su historia, cultura y logronan sientífico. Ta p’esey ta na su lugar pa para tur posibel agresion y na su lugar promové comprondemento político, caminda ta mantené e tradicion largo di amistad entre e dos paisnan aki por sigui florecé.

Presidente Nicolas Maduro a trata na aserca Presidente Donald Trump na vários ocasion, p’asina ey facilitá e comunicacion y generá solucion basa riba Ley Internacional riba un base di rèspèt mutuo.

 

Lamentablemente te n’e momentonan aki Gobièrno di Merca a ignorá tur intento di diálogo proponé pa Gobièrno di Venezuela.

E pueblo di Merca ta un pueblo di pas y nos ta kere cu boso mester guia pa haci tur esfuerso pa neutralisá e intencionnan nacionalista di boso Gobièrno. Ta p’esey nos ta aserca boso pa den fraternidad y sinceridad, pa urgí tur Mericano di bon boluntad, pa uni cu nos den traha hunto riba e defensa di libertad di nos pueblo, nos yiunan su bienestar, na un cooperacion di pas pa nos region.

E tempo pa un diálogo y comprondemento a yega. No laga nos pèrdè e oportunidad aki y den palabranan di John Lennon: “Ban duna pas un oportunidad”

 

Leave a Reply

Top