Caso di Hit & Run na Cura Cabay

Diasabra algo prome cu 6’or y 45 di atardi, patruya di trafico hunto cu patruya di San Nicolas, ta bay altura di J.R Cura Cabay. pa un caso den cual un auto lo a hit and run un motociclista.

 

E situacion di e motociclista no tawata grave. Mesora prome unidad cu a yega na e sitio a cuminsa busca informacion.

Na e sitio e prome informacion a indica cu lo ta trata di Hyundai color di oro y esaki a sigui bay pasa patras di J.R Cura Cabay.

Lamentablemente number di e auto no tabata conoci na e momento ey. E incidente aki a sosode, na momento cu e brommer a bay pasa e Hyundai y esaki net e ora ey a bira of a hala na su man robes, ocasionando e accidente.

Departamento di trafico y tambe ambulance a presenta na e sitio.

Despues di casi un ora, polis a haya informacion pa bay un adres na Savaneta, caminda e persona cu a comete e hit and run lo ta.

Despues cu personal di ambulance a trata e motociclista na e sitio a transport’e pa hospital.

 

Leave a Reply

Top