Caso di secuestro cu maltrato

WILLEMSTAD – Diámars 17 di òctober 2017, alrededor di 20.22 or, Central di Polis a haña notificacion cu un hòmber a secuestrá su casá riba Sta Rosaweg y hinké den baul di auto bay cuné.

Mesora Central di Polis a dirigí un unidad policial n’e sitio. Continuando cu e investigacion e patruya di Mantecion di Orden Público a bay na cas di e sospechoso.

N’e momento cu e patruya tabata eynan e vìctima (dama) a sali core for di e cas y pidi auxilio.

 

Polis a constatá cu e dama tabatin varios herida na su garganta y bou di su pecho robes. Despues a resulta cu ta trata di hincanan cu e sospechoso a propine cu schroefdrai.

Ambulance cu a presentá n’e sitio a transportá e dama vìctima pa SEHOS pa tratamento médico.

 

Diaránzon 18 òctober 2017 alrededor di 00.27 or di madruga Polis a detené e sospechoso U.G.L.B. nacé na Còrsou di 32 aña di edad riba e cruzada Caminda George Willems/Caya Ancelmus Boy Dap sospechá di secuestro y maltrato cu arma.

A presentá e sospechoso dilanti un Fiscal auxiliar kende a ordená su encarcelamento pendiente di mas investigacion.

Top