Castigo leve pa Vionel Finies pa pocesion di marihuana y hash

WILLEMSTAD – Còntròl cu Polisnan a tene dia 20 di jüli 2017 a bin resultá den detencion di e ciudadano Vionel Finies di 38 aña di edad.

E tabata manehá auto y Polisnan na cierto momento a dun’é e indicacion cu e mester para e auto, pero Vionel Finies a sigui core, anto e comportacion aki mesora tabata motibo pa un persecucion di parti di Polisnan.

 

Segun e acusado Vionel Finies, e droga cu Polisnan a haña den e auto no ta di dje, sino di un tal Paulina. Pero a bay investigá mas aleu y a bin sali na cla cu no tin ningun Paulina metí den e asunto aki.

Pa ta exacto ta trata aki di 5 gram di marihuana, mas 98 gram di hash. Di tur manera e acusacionnan tabata legal- y convincentemente probá.

 

Ademas den e caso di Vionel Finies ta papia claramente di un recidivista kende a cometé otro acto castigabel durante su periodo di prueba.

Abogado encargá cu e defensa tabata señora mr. Eisden. FisCal di Ministerio Público, señora Dennaoui-Simon, mirando cu ta trata aki di un recidivista a pidi un castigo di prizon di 6 luna incondicional y Huez a honra e peticion.

 

Leave a Reply

Top