Caya Grandi ta celebra Pasco Grandi cu un tremendo actividad di ‘Egg Hunting’

Diasabra awor 15 di april Caya Grandi tin un tremendo actividad di “Egg Hunting” den Caya Grandi. Cuminsando for di 2:00pm te cu 6:00pm. Oranjestad Business Improvement District (OBID) ta sostene un iniciativa di un hoben ‘entrepreneur’ cu ta forma parti di comercio di Oranjestad apenas 1 luna, esta ‘Lindy Lifestyle Boutique’.

E diasabra aki tin diferente premio di tiendanan manera ‘Lindy Lifestyle Boutique’, Penha, ‘Victoria Secret’, ‘Athlethe’s Foot’, MAC, ‘Giannis Nutrition Center’, ‘Under Armour’, Maggy’s, ‘Bath & Body Works’, Sport Caribe, Aruparking y hopi mas.

 

Tin un variacion grandi di premio. For di carchi di descuento, regalo, premio cash, cadeaubon, carchi AruParking na balor di 25 florin te na un premio mayor: e famoso “Webo di Oro” na balor di 600 florin! E celebracion den Caya Grandi ta pa tur edad, mirando e diferente premio y actividadnan. Pa nos muchanan tin actividadnan gusta, manera e. o. ‘Thomas the choo-choo train’ y ‘Dino Jump’. OBID kier haci un recordatorio rib’e flexibilidad cu Aruparking: For di 3:00pm, tur dialuna pa diasabra, e parkeo ta liber di costo.

Top