CBS: A lansa Dutch Caribbean Statistical System durante di CBS Caribbean Conference

KRALENDIJK – Promové conocemento y cooperacion entre e oficinanan di estadística riba e islanan y CBS di Hulanda: Esey tabata e meta di e promé CBS Caribbean Conference cu a tuma lugar dianan 13 y 14 di febrüari ultimo na Bonaire.

Director- y algun investigado di e oficinanan di estadística di èx Antia Hulandes y di Hulanda a participá n’e conferencia.

 

Durante di e conferencia a lansa e Dutch Caribbean Statistical System (DCSS).

DCSS ta un combenio di cooperacion entre e oficinanan di estadística di e islanan y CBS di Hulanda.

Meta di e combenio aki ta p’e partidonan bay sostené otro ora ta trata di optimalisá sistemanan di estadística.

E promé Presidente di DCSS ta CBS Còrsou, pero e presidencia ta rotativo.

 

Tabata e promé biaha for di 10-10-10 cu e Director di e oficinanan di estadística di èx Antia Hulandes y Hulanda a bin hunto.

Durante di e conferencia e ofisinanan di estadística a compartí conocemento tocante di e.o. fuentenan di dato, procesamento di dato y produccion di estadística tocante di temanan specífico manera pobresa y desempleo.

 

Director general Tjark Tjin-A-Tsoi di oficina central di estadística: “Mi ta mira atras riba un encuentro exitoso y fructífero y ta spera cu CBS Caribbean Conference lo engrandecé e enlase entre CBS di Hulanda y e islanan riba e tereno di estadística”.

 

 

 

(onderschift foto)

 

D.r.p.d: Sean de Boer (Director di CBS Còrsou), Makini Hickinson (Director di STAT Sint Marten), Tjark Tjin-A-Tsoi (Director General di CBS di Hulanda), Quintin Knuf (Manager di e oficina di CBS na Hulanda Caribense) y Marlon Faarup (Director di CBS Aruba).

Top