Celebracion di graduacion di OGM na Universidad di Aruba

Dia 13 di september e programa Organization, Governance and Management (OGM) di e Facultad di Arte y Sciencia (FAS) na Universidad di Aruba tabatin nan prome graduacion combina. Tabatin tres graduado; Gianira Maduro, Giancarla Lobbrecht, y Shamira Clara.

E graduadonan tabata den compania di nan famia, amigonan, docentenan y nan “begeleider”, e asina yama prome supervisor.

 

E prome supervisor (eerste begeleider) di cada graduado a duna cada graduado elogio riba nan carera como studiante, nan perseverancia, y caracteristica personal. Despues e decano di e facultad sr. Tim Croes a presenta e graduadonan cu nan diploma y lista cu tur nan cifra.

Gianira y Giancarla a defende nan tesis prome cu zomervakantie, pero ambos a bay Hulanda pa haci un “zomercursus” cual a dunanan punto extra riba na lista di cifra.

E di tres studiante, Shamira Clara, a defende su tesis cu portanan cera di acuerdo cu e peticion di y palabracion cu e organisacion caminda e a haci su tesis. Pa es motibo Shamira a scoge pa gradua den e ceremonia di graduacion combina di OGM pa asina su famia y amigonan por a experiencia e momento alegre aki tambe.

 

E ceremonia di graduacion tabata un momento special den historia di e programa di OGM. Tabata pa prome biaha cu a tene un ceremonia di graducion combina. Ta custumber cu studiantenan ta defende nan tesis y ta ricibi nan diploma imediatamente den presencia di nan famia y amigonan. E tres graduadonan a habri e caminda pa den futuro OGM tene un ceremonia di graduacion combina. E aña aki e studiantenan actual den nan ultimo aña ya a duna di conoce cu nan ta desea un ceremonia combina. Cada un studiante actualmente ta trahando duro pa realisa e soño aki. E docentenan ta felicita e graduadonan y ta desea esnan di ultimo aña hopi exito cu nan proposito pa tur gradua hunto.

 

Pa mas informacion rib’e estudio OGM, bishita e website di Universidad di Aruba na http://www.ua.aw/OGM y/of e pagina di Facebook cual ta https://www.facebook.com/pages/University-of-Aruba-OGM-Organization-Governance-Management-FAS/

Leave a Reply

Top